autem haec verba: Anno Domini MCCCCLI, mensis junii die tercia, obiit honorabilis vir, dominus Gherardus Wynkyn, canonicus ecclesie beate Marie Traiectensis, cuius anima requiescat in perpetua pace. * In lapide caeruleo [in] pavimento, haec sculpta fugientibus literis: Anno Domini MCCCC decimo, die decimaseptima mensis aprilis, obiit magister Theodoricus ... * In pariete est pictura a manu non ineleganti, nescio quid Scorelianum sapiens, cuius a me ruditer hic forma posita. * Vive hospes dum licet atque vale. [] Illustri viro Theodorico de Benthem, decretorum doctori, huius ecclesiae preposito et archidiacono, qui e vivis excesserat, anno MCCCCXV, cal. octobris XVII. Pia posteritas posuit. Non procul hinc ad parietem, extat adhuc gygantaea divi Christophori, in humeris puerum Christum baiulantis. Ad pedem in pavimento est lapis subcineritio colore, sub quo latomi illius filium, qui patris artem antistiti prodiderat, cum templi fundamenta iacerentur, ac eo nomine a parente irato occisus fuerat, sepultum credo fabulantur: neque non quicquam mihi de eius veritate constare potuit. * Ante vel supra introitum chori suspensum est tabulatum, 'hoochsael' vernacula lingua vocant, in quo olim quaedam sacrae cantiones vel lectiones, ut melius a populo audirentur, fieri solebant. Hic spectantur suis coloribus sequentia scuta et insignia. * Ad parietem haec leguntur satis difficile, quod gypso literae inductae sint: Anno Domini MCCCCLXIII, prima die mensis aprilis, obiit venerabilis vir, dominus Johannes Hondertmarckt, canonicus huius ecclesie, hic sepultus, cuis anima requiescat in pace. In pavimento lapis est caeruleus, in quo tantum scutum, lupum exhibens. * In pavimento subcaeruleus est lapis sic notatus: Sepulcrum domini Ottonis ab Honseler, canonici huius ecclesiae, qui obiit anno domini 1564, die aprilis 21. *