In medio templi versus chorum, ad columnam a parte septemtrionis, est monumentum cum hac inscriptione et signis (haec pars superior versus chorum): * Anno Domini MCCCCXVIII, mensis junii die XVI, obiit magister Alphardus van der A, canonicus huius ecclesie, hic sepultus, orate pro eo. Non procul a sepulcro Hugonis Swanini, sub turri est lapis, vetustate an hominum iniuria pene consumtus, cum hisce literis: Sepulcrum Johannis Maes. Ibidem est sarcophagus in pavimento lapis, cum hisce insigniis. * Ad meridionalem templi partem prope turrim, pictura est ad parietem Mariae Magdalanae vel Aegyptiacae, ut in deserto vixerit, et ab angelis post mortem fuerit in caelum delata. Non procul ad parietem, est hoc monumentum cum epigrapho et signis: * Anno Domini MCCCCLVI, die XVII mensis decembris, obiit honorabilis dominus Joannes Lamberti, canonicus huius ecclesie sancti Petri, orate pro eo. In pavimento: [] Depositum Gijsberti de Merloe, anno 1519. . In de marge: 1419. Ibidem in pariete: Anno Domini MCCCCLXVII, die XXVIII mensis novembris, obiit venerabilis vir, magister Everardus de Duthe, canonicus ecclesie sancti Petri Traiectensis, hic sepultus, cuius anima requiescat in pace. In pavimento ibidem: [] Sepulchrum magistri Gerardi de Duthe, canonicus huius ecclesie. Quiescit et hic Joannes de Duthe. Supra portam ad exitum inferiorem ab eodem latere, hi versus leguntur: Serviens divinis hic Petrus Bloem tumulatus, Iuribus in binis et in artibus hic graduatus. M cum ter quinis, dum C quater es memoratus, Huic vitae finis Damasi stat ad astra locatus. Sequitur in pavimento sepulcrum Hermanni de Amerongen, ex loco sic dicti, Borreorum tamen signa posuit.