In medio templi ad intercolumnia, partis sinistrae ceu borealis, sequentia signa et epitaphia notavimus. * Anno Domini XV c decimonono, die XXVI ta mensis marcii, obiit venerabilis dominus Joannes de Diephout, utriusque iuris doctor, officialis Traiectensis, huius sancti Johannis ac sancti Lebuini Daventrii ecclesiarum, canonicus et quondam scolasticus, hic sepultus. Ibidem in lapide Benthemico: D.O.M. * Domino Wilhelmo Pijl, sacrarum aedium huius, et Marianae, canonico et thesaurario, ob peculiares quasdam animi dotes, viris principibus reipublicae suisque percaro, Joannes a Renesse, collegae dilecto adornatum monumentum et pecuniam eo dedit et posuit. Vixit annos LV, menses VII, dies XIIX. Obiit X kal. augusti, anno a Christo Jesu salvatore nato XCI post MD. Ossa eius heic sita quiescunt. * Ibidem Loniorum, patris et filii, tabulae sepulcrales suspensae sunt. * Clarissimo ornatissimoque viro, domino Antonio a Loon, curiae provincialis Traiectensis consiliario seniori, qui postquam munere senatorio viginti sex annis, summa cum laude functus esset, tandem annum aetatis suae agens septuagesimum quartum, viam universae carnis ingressus, hanc mortalem vitam cum aeterna commutavit. Uxor eius charissima domicella Hildegundis Pijl cum luctu posuit. Obiit 5 maii anno 1606. Ibidem in alia tabula: Hic iacet strenuus et fortissimus vir Joannes a Loon, chiliarcha severus militum tribunus eximius, Ostendae ordinum confoederatorum nomine prefectus dignissimus, qui multis praeclaris editis facinoribus, in illius tandem oppidi forti propugnatione hostili tormento, ictus totius exercitus et suorum summo luctu, decimo quarto cal. aprilis anno MDCIIII in viridi florentique aetate cecidit. * Sequitur finis epitaphii Pigii et Bredani: . Vervolg van pag. 84. Istius etiam commendator Joannes Breda, artium liberalium magister, patri a Campensis,