Item castrum de Merkenborch, castrum de Woudenberch, et castrum de Voerst iuxta Zwollis obsedit et funditus subvertit, et terram vulgariter ‘Mastbroec’ sue dominacioni subiugavit, quod primo dominus De Voerst cum suis impedivit. Item castrum de Arkelsteyn prope Davantriam de suis propriis acquisitis construi fecit. Et castrum de Ema de manibus Zwederi Uterloe, tunc prepositi Sancti Petri, eripuit amicabili compositione, quod idem preposi- tus sumptuose edificari fecit vicarius ipsius. Item impetravit visitationem ab Innocencio contra prelatos et canonicos Traiectenses et quoscumque alios sue diocesis, a qua fuit appellatum. Libello et articulis datis et admissis hincinde ad probandum et remissione decreta, per papam Urbanum V anno Domini M o CCC o LXIIII o Johannes episcopus translatus fuit ad ecclesiam Leodiensem, quam usque ad obitum tenuit. Et anno Domini M o CCC o LXXVIII o prima die Julii obiit, et in ecclesia Traiectensi cum debitis exequiis delatus et sepultus est.