Galecoep, doctoer in der gotheit, van beveel des biscops op dese tijt. Mer naemals gaff hij die macht onse biechtvader duerende eweliken voert- aen. Aldus so worden wij eerst besloten, naemaels sijn wij al besloeten in on- ser cappellen. Dese previlegien der beslutinge ende der anderen hebben wij verkregen bij tijden Nannen onser mynistra eer wij kregen her Jan van den Berghe, onsen vader. Mer daernae bij hoer beider tijden hebben ons ghegont her Johan Ram ende meyster Aernt Elyaessoen, cureyten, dat wij moch- ten doen wijen onse cappelle, die noch onghewiet was. Dat ghescye- de van bisscop Johan Corkaengen in ’t jaer ons Heren M CCCC ende XLVIII op Sunte-Stevensdach des anderen dages nae Korsdach, vii kalendae mensis decembris, daer eerst die kermisse off was opter octave van Pinxteren ende naemaels verset wort des dinxdages