Kroniek over de bouw en wijding van de Onze-Lieve-Vrouwe-kapel in 1438
De novo edificio unacum tribus altaribus in eodem erectis, ad partem australem ecclesie nostre existentibus pariter et confectis. Item strennuus vir dominus Bertoldus de Assendelff, miles Tra- iectensis dioceseos, et honeste persone Nicolaus, filius Jacobi de Aemsterdam, cum Sophia, eius uxore, ac domicella Aleydis Hesselt, mater confratris et redditi nostri Johannis de Clivis, ad laudem et gloriam omnipotentis Dei, beate virginis Marie, Dei genitricis gloriose, omniumque sanctorum, pro salute animarum suarum ac ipsorum parentum, amicorum et benefactorum construi fecerunt illud novum edificium, contiguum australi parti ecclesie nostre, in quo tria altaria sunt erecta, cuius tocius edificii superficialiter consummati expensas pre- dictus Nycolaus cum uxore sua circa terciam partem et prescripta domicella Aleydis terciam partem solverunt et dominus Bertoldus, miles prefatus, pro reliqua tercia parte dedit dumtaxat circa centum scudata Burgundie. Residuum vero illius tercie partis clemencia Dei nobis aut habunde procuravit vel procurabit, unicuique retribuendo, nunc sive in futurum, prout ipse Deus singulis noverit fore necessarium, non simpliciter sed multipliciter, iuxta misericordiam eius consuetam. Quibus edificio atque altaribus quasi ad plenum constructis, idem Nycolaus, pro se et dicta sua uxore, altare, ibidem situm in oriente, quod modo altare sancte Crucis nominatur, specialiter elegit atque, mediantibus tabula curiose depicta desuper posita, figu- ram Dominice passionis continente, picturis vitro et aliis ibidem apparentibus, ornari eciam fecit suis expensis et procuravit se et eandem suam uxorem, huic seculo corporaliter exutos, ante dictum altare desiderans in loco ad hoc deputato ecclesiastice tradi propter Deum sepulture, quod sibi a conventu modo concessum est graciose. necnon pictura vitro aliisque ibidem existentibus. Ante quod altare suam sibi elegit sepulturam in loco ad hoc assignato. Concessa enim est eidem ultra plures annos sepultura aput nos antequam idem edificium inceptum est. Item procuravit eciam Johannes, filius eius predictus, ab ea vel alio ad usus eiusdem altaris quendam pannum aureum qui summo altari nostro de consensu eius extitit adaptatus et pendere consuevit ante illud in precipuis quibusdam festis candelarum, salva tamen hac condicione, quod sacrista ecclesie nostre pro tempore debet in singulis festis candelarum, si ad eius memoriam devenerit, ibidem ponere, si non fuerit, ornamentum van der Veer vel quasi simile, ut cum eo in dicto altari, temporibus licitis, posset celebrari in memoriam dicte domicelle Aleydis et suorum. Post cuius obitum, quem Deus facere velit felicem, tanta bona here- ditaria pecuniis suis domui nostre dudum empta, reservato sibi eorundem usufructu quamdiu vitam duxerit in humanis, ad eandem domum nostram pleno iure devolventur quod cum eisdem idem altare sufficienter dotaretur pro perpetua cappellania, sicut huiusmodi bona lacius alibi sunt descripta.Item anno Domini millesimo cccc tricesimo octavo , ipso die beati Columbani abbatis, reverendus in Christo pater, dominus Johannes, episcopus Kortagensis suffraga- neus, reverendi patris domini nostri, domini Rodolphi, episcopi Traiectensis, prehabitis sollempnitatibus ad hoc requisitis, iuxta ritum ecclesie consecravit dictum novum edificium in honore gloriose Dei genitricis virginis Marie cum prenominatis tribus altaribus, quorum primum, scilicet in oriente, fuit consecratum in honore sancte Crucis et beatorum Andree apostoli et Anthonii ab- batis, secundum vero, scilicet medium, in honore eiusdem gloriose Dei genetricis Marie sanctorumque Johannis Baptiste, Bartholomei apostoli et Jeronimi confessoris, tercium vero altare, in occidente, in honore beatorum Johannis Ewangeliste, Marie Magdalene et Agnetis. Et est notandum quod ille parvus locus ibi contiguus, ubi continue pendent modo ampulle et mundantur per se quasi segregatus, dicto tempore non fuit consecratus, ex causa quod ibidem, aut necessitate vel utilitate, silencium a sacrista vel fratribus interdum nequeat commode observari.
89
Kroniek over de bouw en wijding van de Onze-Lieve-Vrouwe-kapel in 1438
label
Kroniek over de bouw en wijding van de Onze-Lieve-Vrouwe-kapel in 1438