mihi tamen non probatur, sed unicornium hoc animal insigne, sceptrorum tenuisse crediderim. Non procul a praedicto ingressu templi, in marmore pavimenti, hoc insigne spectatur, quod est S t roeikyn. * Vicinum est sarcophagum aliud, hisce signis et epigrammate. . In de marge: In galea leo inter duas alas. * Reliquum validi et eximii domini, domini Gaspari Oom a Wingerden, canonici huius ecclesie, qui obiit anno 1567, 1 maii. Non procul inde sub pictura, quae etiam-num integra extremi iuditii, haec in lapide ad parietem scriptio est: Anno Domini MCCCCLXIIII, ipso die beati Brictii, obiit honorabilis vir, dominus Otto de Snellenberch, curatus quondam in Lopich et perpetuus vicarius huius ecclesie, hic sepultus, cuius anima requiescat in pace, amen. Ad parietem ibidem: Anno Domini MV c XXI, obiit venerabilis vir, magister Gerardus de Turri, utriusque iuris doctor, qui fundavit in altare Trium Regum missam cotidianam, 2 chorisocios sub pulsu primarum dicendam. Hanc si quis neglexerit, pia pena duplum quantum percipere debuisset, fabrice persolvere tenebitur, unde neglecta recuperetur. Cuius anima et omnium fidelium requiescant in pace, amen. Dedicatio prima junii.