In caerulei coloris tabula sequens epitaphium legitur post Monieriorum signa. D.O.M. * Johannes Monier Simonis, filii Johannis, equitis aurati Caroli V, caesaris augusti, a. cubicularii et ab eodem honesta pensione ditati nepos, huius ecclesie quondam canonicus, postea vero, ducta uxore, domini de Wingarde filia, ab inlustri Inferioris Germaniae Confoederationis ordine, centurio creatus. In obsidio civitatis Ostende, maiore tormento presente uxore ictus, mox interiit cum vixisset annos plus minus XL, anno salutis 2 post MDC, octobris die (...) Joannes a Renesse, sancti Joannis decanus, ex sorore nepoti, et Fridericus Monier, fratri predilecto, cuius beneficio etiam canonicus sancti Joannis factus, memoriae et gratiae ergo monumentum hoc bonae memoriae moerentes ponere fecerunt. M. In LXVII (?) Ergone in terris quod perennet nihil? Nihil. Et sic invicto fato subduntur omnia? Omnia. Quorsum pulvis quasi non moritura insolescit? Nescit. Nulla mors subita ubi vita bona praecessit. Schrasser / Staverden / Kyft / Schrasser. * Occubuit fato Schrasserus ademptus iniquo Qui lux, qui columen regula iuris erat Ad summos merito pridem conscendit honores Nunc iacet, et terrae viscera caeca subit Iusta fient, sileant vestrae nunc curia leges Interpres legum et iustitiae occubuit. Mutaveram: Curia iam tanto sileat viduata patrone, Interpres legum iustitiaeque iacet. In pila ultima ad ostium custodis proxima, ex fide domini Gijsberti Lappii. Anno Domini M o CCCC o XI o , mensis octobris die XIIII, obiit honorabilis vir, dominus Theodericus de Hasselt, magister in artibus, backularius in medicina, senior canonicus huius ecclesie, hic sepultus. Rastrum aureum in campo viridi. * Anno Domini MCCCCXL, mensis augusti die X, obiit honorabilis vir dominus Johannes de Herkelo, decanus de Hasselt, canonicus ecclesie sancti Peteri Traiectensis, ibidem