Deinde Wilhelmus filius eius XVIII us comes Hollandie. Duxit uxorem Johannam de Valesyo, sororem regis Francie, de qua genuit Johannem, Margretam, Romanorum imperatricem, Johannam, comitissam Juliacensem, Philippam, Anglie reginam, Wilhelmum succe- dentem, Ludovicum, infantem, et Elizabeth, domicellam. Hic in diebus suis gloriosus fuit et maximam curiam in Harlem acclamari fecit, et duo castra, scilicet Bruyl et Volmensteyn in episcopatu Coloniensi, potenter expugnavit. Et pro ampliatione divi cultus fecit et largiflue ditavit ecclesiam canonicorum in Middelborch anno Domini M o CCC o XI o ad perhennem laudem sui nominis. Hic comes Willelmus a Ludovico, rege Romanorum, in auxilium eius vocatus fuit, prout supra in margine continetur, ibi vide. Hic comes est anno Domini M o CCC o XXVIII o Orientales Frisones debellare disposuit et misit piratos in mari, qui rapinas de agris ville Mardensis sepius abduxerunt et plures Frisones incaute navigantes submerserunt. Demum per abbatem Stavriensem bellum fuit remissum. Et dies ad loquendum de pace in Haerlem statutus fuit, ubi amicitia reformata fuit sub hac forma scilicet, quod omnes Frisones citra rivulum Lavice commanentes deberent infra biennium bona sua feodalia de manu comitis recipere et iustitiarios eiusdem comitis sine aliqua contradictione admittere et villicis suis tributa iusta reddere. Tunc Frisones ostenderunt comiti et docuerunt per antiqua registra, cum qua solempnitate principes Hollandie tenentur orientalem Frisiam intro-ire et idem iudicium et iusticiam excercere.