Sic luditur humanis divina potentia rebus. Quia Reynoldus, comes Ghelrie, quando Wilhelmum comitem de fonte baptismi levavit testis praedixit, quod a Frisonibus occidi deberet. Fuerunt bene quingenti cum eo occisi. Principales fuerunt dominus De Hoerne, De Lingi, De Walincourt, De Many, De Antongen, De Haemstede, De Merwede, barones; Gerardus Barbatus, Wilhelmus de Naeldwijc, Symon et Theodericus de Teyling, Ghyo de Asperen, Johannes Roverus, et Wilhelmus de Montforde, Theodericus de Zanthorst, Theodericus et Hermannus de Zweten, Florentius de Merwede, Ogerus de Spaenge, Gerardus Ever, Alferdus de Hurst, Nycolaus Oem, Wilhelmus de Donghen, Theodericus de Waelcourt, Gherardus de Floriville, Bonninc Hoverus milites, cum multis aliis burgensibus et armigeris approbatis. Post X dies dominus Martinus tunc commendator Harlemensis per certa signa intra corpora occisorum repperit corpus illustris comitis Wilhelmi et ad monasterium Floridi Campi perduci fecit, et honeste recondi, ut dicebatur. §a Post haec Johannes de Arkel episcopus finitis treugis omnes, qui prius adheserunt dicto comiti in obsidione civitatis ab episcopatu proscripsit. Castrum Wlven destruxit, per assaltum villam Osthollandie combussit, dominium de Yselsteyn pro magna parte succendit, dominium de Abcoude in deditionem suscepit. Et exactionatis aliis rebellibus debitam ultionem de suis adversariis recepit. Quod sequitur, quere illa ad hoc signum + De ontbrekende passage staat verderop op de pagina.