nae Pinxteren bij consente bisscop Roeloff van Diephout. Nae langen jaren hierna so hadden wij seer groet verdriet van onser koeken, want sij snode ende out was ende bovenal so sorchlick om brants wil. Soe lieten onse vader her Jan van den Berge ende onse moeder Nanne in horen lesten tijden tymmeren een goet sterck huus dat nu onse reventer is; dat sij beide bij horen tijden onderdack brochten. Deser gheliken heeft onse moeder Nan- ne bider goedertierenheit Gods ons veel goets gedaen, eerst alleen ende namaels mit her Jan. Also dat dit con- vent bij hen beyden in gheesteliken ende tijtliken dinghen seer opgecomen is. Nae Nanne moeders doot sijn die susteren in groter ellendicheit, want sij sitten sonder vader ende moeder. Her Eernst, saligher gedachten, Gene- rael Minister, comet sijn kynder te troesten ende sij kyesen eendrachteliken een goede devote meecht, ghenoemt