personen. Want sij tymmerde in ’t eerst een goet schoen huus daer wij noch in spyn- nen ende boven een dormpter is als ’t oghesienliken is. Daernae koft sij aen een huus aen die noertzide des huus, mit stroy ghedect dat noch een deel staet. Daernae aen die zuuytzijde een deel cameren, daer wij van die camer maecte ons cappel ende bedecamer off daer noch die gewide stede van leit. Daernae coft sij een huus in die stege die lange tijt ons reventer plach te wesen ende nu is ons koyken. Ende daer- nae onse reventer tymmerde die nu is. Ende voertmeer over die straet veel cameren ende ruyms als men noch sien mach, daer God in der ewicheit van ghebenedijt ende ghelovet moet we- sen, die ’t verleent heeft. Daernae gheviel ’t dat her Jan van den Berghe scheyden souden van den zusteren bi den Wijngaert. Ende her Dirck van Wael, die den zusteren Ten xim Meechden regierde ende schicket