[In de marge: En logert met zijn suster in het Duytsen Huys ] Ende doe brochten die borgers den keyser ten Duytse Huyse in ’t clooster ende daer was die coninginne hoer logys ook. Des saterdags na niwejaar 1546 begost den keyser sijn staet te setten, die hier ’t begost ten twee uuren na de middagh ende duurden tot ses a seven uuren. Die biscop van Utrecht Georgius van Egmont, den abt van St.-Paulus, den abt van Oostbroek, genaampt heer Jacob van Baern, die quamen voor den Duytsen Huyse daer den keyser lagh ende hadden zer kostelijke choorcappen aan. Ende al die biscoppen en abten van buten gecomen volgde na en veel hartogen, graven, ridderen ende edelen mede al na. Die biscop van Utrecht, die abt van Sinte-Paulus ende Oostbroek gingen alleen in ’t keysershoff. Die keyser stont op den portaal voor de zale ende die biscop ende die abten kusten elk des keysers hand ende gaven hem elx wijwater ende die keyser kusten elx hoer handen weer. Ende doe ging die keyser uyt dat hoff te peerde. Ende die keyser mit andere heeren waren in ’t rood gekleet, al te peerd. Ende die heeren van den godshuysen