werden en sel Alyed voerseit, ofte ghene die houder is des briefs ende oeck des erf- tinsbriefs, sprekende van den eynde van deser voerseide hofsteden nummermeer moghen vercopen, noch verhueren, noch wechgheven, noch versetten, noch versellen in enigher manieren. Mer sij sellen eweliken op hoer consciencie ende puerliken om Gods willen op ’t eynde van deser voerseide hofstede ende in der hu- singhe die daer nu op ghetymmert staen off hiernae ghetymmert werden, goe- de arme joncfrouwen herberghen die Goede dienen ende anders nyemant daer- in te herberghen, alle archeit uutge- seit. Ende behouden heren Heynrick van der Stove voerseit sijn rechte lijftochte, also langhe als hij leeft, aen dier hu- singhe ende aen dien eynde van der hof- stede voergenoemt op sulcken pachte alse gheleghen is. Dit gheschiede onder Jan van Leuwenberch, scoute Ghijs- brecht Utenweerde, Johan heren Vre- dericssoen, Vermbrecht van Compostelle,