Aleyden van Dortmonde dit voerseide ende van der hofstede van sestenhalve roeden lanck, op sulcken pacht als ’t ghelegen is ende die husinghe die daer nu op ghe- tymmert staen t’ enen vrien eyghen mit dien erfftynsbrieff dien hij daer op hadde. Ende hij deser voerseide Aleyden mede overghegheven heeft. Ende verteech mede daeroff mit sijns ge- coren voechts hant tot Aleyden be- hoeff voergenoemt alse rechte ende oerdele wijsde dat hij sculdich was te doen. In deser manyeren ende vorwaerden dat Aleyden voerseit nae doden heren Heynrick voergenoemt op ’t eynde van der voerseide hofsteden ende in der husinghe die daer nu op ghetymmert staen, off hiernae op ghetymmert wert, alsoe langhe als sij leeft puerlike om Gods wille herberghen sal goeden armen joffrouwen die Gode dienen. Ende dit eynde van deser voerseide hofstede ende die husinghe die daer nu op ge- tymmert staen off hiernae ghetymmert