Alle denghenen die desen brieff zellen zien off horen lesen, doe wij verstaen scout ende scepene der stadt van Utrecht dat voer ons quam in ’t gherechte heer Heynrick van der Stove, priester, mit sinen ghecoren voechts. Daer hij mit rechte ende mit oerdele aenquam ende toende mit enen open brieff, die wij gans ende gave saghen ende overhoer- den, wel bezeghelt mit onser stadt grote zeghel. Sprekende alse dat hij in erffpachte heeft van Willam van der Cappelle, Gheryt Mouwerkynssoen een eynde vander hofstede, ghelegen aen de muere van Sunter-Nyclaeskerck- hoff neffen dat westeynde van dien kerchove, tusschen hoffstede der twee prochipapen der kercken van der Nyclaes voerseit aen die zuytsijde ende tusschen hofstede Tyman Pampus