boeck geset als pasteur. Eodem anno cocht het convent v mergen lants, den Hoogen Weert genaemt, van Wessel van Everdingen om 154 gulden ende noch van Willem van Zael v margen. Ende de susteren sponnen neerstich ende maecten veel gelts van haer lakenen. Anno 1459 sterft mater Mechtelt van Cleeff, daervan het convent creech over Leck 8 mergen, Cleefken genaemt. De lange ackers gaff het convent heer Gerrit van der Borch. Doen werde gecoren Margriet Willem Holle dochter van Utrecht mater. Dese heeft metten pater de aenneminge van der regulier oorde volbracht van Sint-Augustijn, daer se de getijden van leerden die te voren maer Pater noster lasen. Ende broeder Peter Grebber, prior te Vreendael, setten haer de wielen op anno 1460 , ende pater leerde de susteren lesen ende singen, daer hij groote moyten meede hadde. Suster Margriet Holle was de v mater ende eerste priorinne. De privile- gien van Bischop David vercregen, costen 20 cronen, behalven het scrijven ende segelen. Sij omcingelden het clooster met een muur, costende 255 gulden, ende vercochten verscheijde lijfrenten daer se lant omme cochten, alse Gerrit Schive halve hofstede.