In tabula: * I.O.T.M. . In omnis temporis memoriam (of In optimam tuam memoriam?). Christo sacrum. Dominae Annae de Abcouden a Merthen ab Essestein, quae cum multis annis adversus mortem, continuo fere morbo ex animi moerore colluctata patientissima esset, precibus instanter ad Deum emissis, ut ex hoc ergastulo liberaretur, exaudita tandem spiritum Creatori remisit, cum exulasset annos 87, dies 21, abiit 16 decembris anno Salvatoris 97. In alia tabula: * D.O.M. aeterno sacrum. Nobili, strenuo, pietate, fide ac prudentia incomparabili viro, domino Antonio de Abcoude a Meerthen, equiti aurato, militi etiam Hierosolimitano, gentis suae primario domino ab Essenstein, arcis Maerseniae ac Maersenbrouck, sodali sancti Antonii, in hoc sacello Antonii, parenti illustris domini Theodorici, ex liberis baronibus a Wassenaer et burchgraviis quondam Leidensibus, prepositi et archidiaconi istius ecclesie, erect[e] conlegae clarissimo, qui hydrope aetatis suae anno LXIII consumptus, ex valle hac lachrimarum, magno ordinis et suorum luctu et desiderio, ad coelestem patriam (Deo sic iubente) transmigravit, anno Christi salvatoris LXXIII post MD, sepultus in sepulchro maiorum Culemburgi, apud parentes et coniugem, dominam Annam, e comitibus de Lalain, quae XIII annos ad vitam aeternam precessit, post IV liberos ex illa susceptos, unum marem, cuius unicam ex asse heredem, filiam Annam, duxit generosus et strenuus dominus, dominus Wilhelmus de Gendt, dominus in Gendt, Appelteern, Berlicum, Altvort, et ducatus Geldriae ac comitatus Zutphaniensis cubicularius hereditarius. Reliquas faemellas, maior natu nupsit dominum de Geffen et Nulant, altera dominum de Urck et Emelweert, tertia innupta iuvencula obiit. Joannes a Renesse, huius ecclesiae (...)