Dit is die brieff daer onse convent ierst mede begonnen is
Dit is die brieff daer onse convent ierst mede begonnen is. Alle denghenen die dessen brieff sel- len sien off horen lesen doe wi ver- staen scoute ende scepene der stat van U- trecht dat voer ons quam in ’t gherich- te haer Henric van der Stove, priester, mit sinen ghecoren voget. Daer hi mit recht ende mit oerdel aenquam ende toende enen openen brief, die wi gans ende gave zagen ende overhoerden wel besegelt mit onser stat “segel” grote. Sprekende alse dat hij in erfpachte heeft van Willem van der Cappelle, Gherit Mouwerkijnssoen een e[i]nde van der hoffstede, gelegen aen der mu- re van Sinte-Nycolaeskerckhof neffent westeinde van dien kerckhove, tusschen hoffstede der twe prorchipapen der ker- ken van Sinte-Nyclaes voirseit aen die zuutside ende tusschen hoffstede Tyman Pampus aen die noertside, alse van sestehalve roede lants nae der stat roe- de ghemeten van der muren van der kerckho- ve inter twistrate wart ende also breet als die hofstede gelegen is. Elx jaers om achtien gueder groten coninxtornoyse of payment dat daer voer ghen- ghe ende gave is binnen Utrecht. Ende aldaer soe begheerde haer Henric voirseit oens Alternatieve lezing 'eens'. Degene die in de regel eronder 'van ons' toevoegde las 'eens'. oir- dels van ons/ of hi overmits dessen voirseide brief, des hij op die tijt een houder was, dit voirseide en- de van desser hofstede op sulken pacht alst gelegen is vrilike vercopen of wechgeven of versetten of versellen mochte daer hij woude. Ende aldaer so wert haren Henric voirseit toeghewijst mit rechte ende mit oirdele dat hij ’t wel doen mochte behouden elker- malc sijns rechtes. Doe dit ghedaen was, doe gaf her Henric voirseit claerliken op mit sijns ghecorens voegets hant ende mit sinen vrijen wille Aleyden van Dortmonde dit vorseide e[i]nde ende van der hoffstede van sestehalff roeden lanc, op sulken pacht als ’t gelegen is ende die husinghe die daer nu op ghetym- mert staen t’ enen vrijen eygen mit dien erfftinsbrief die hij daer op hadde. Ende hij deser voirseiden Aleiden mede overge- geven heeft. Ende verteech mede daerof mit sijn ghecoren voghets hant tot Aley- den behoeff voergenoemt, alse recht ende oirdel wijsde dat hi sculdich was te doen. In deser maniren ende voirwerden dat Aleid voirseit na dode heren Henrix voer- ghenoemt op ’t e[i]nde van der voirseide hoffstede ende in der husinge die daer nu op ghetimmert staen, of hyrnae daer op ghetimmert werden, also lange als sij leeft puerlike om Godes wille herbergen sal guede arme joncfrouwen die Gode dienen. Ende dit e[i]nde van deser voirseide hofstede ende die husinge die daer nu op ghetimmert staen of hyrnae ghetimmert werden en sel Aleyd voirseit, of dieghene die houder is des briefs ende oec des erftinsbrief, sprekende van den e[i]nde ende van deser voirseide hof- stede nummermeer mogen vercopen, noch ver- hueren, noch wechgheven, noch versetten, noch versellen in enigher maniren. Mer sij sellen ewelike op hoer consiencie ende puer- liken om Goedes wil op ’t e[i]nde van deser hofstede ende in der husinghe die daer nu op ghetimmert staen of hyrnae ghetim- mert werden, goede arme joncfrouwen her- bergen die Gode dienen ende anders nyement daer in te herbergen. Alle archseit uut- gheseit. Ende behouden haren Henric van der Stove voirseit sijnre rechter lijftocht, alsoe lange als hij leeft, aen dier husinge ende aen dien e[i]nde van der hofste vorghenoemtop sulken pachte alse ghelegen is. Dit ghe- schiede onder Johanne van Lewenberch, scoute Ghijsbert Utenwerde, Johanne haren Frede- rix soen, Weynbrecht van Compostelle, Johan Alvekijn, Wouter van Colen, Wouten van Voer- schoten, Abraham van Compostel, Herboer Herbo- ertssone, Gherit Vrencke, Arnoud Proys, Tyman Scorre ende Jacop van Driel, scepenen t’ U- trech. Ende op dat dit vaste ende stade blive, so hebben wi scoute ende scepene voirgenoemd onser statsegel aen desen brief gedaen t’ enen oirkonde. Begint in ’t jaer ons Heren dusent CCC ende XXXVII des dinxdages nae Sinte-Lambertsdach. Alle denghenen die dessen brief sellen zien of horen lesen, doe wi kundich ende ken- liken Herman van Wulven ende Derick Wil- lenssoen, dat wi in dye husinghe bi Sin- te-Nycolaeskerckhoff die in voirleden tijden in aelmissen gegeven is armen jonc- frouwen in te wonen, daer ons dat toe- sien ende die bewaringe van des raets we- gen van der stat van Utrecht of bevolen is om Goedes wille in gheherberget hebben die arme megheden die daerin wonen.In aldusdanigen voirwerden ende maniren als hyrnae bescreven staen. In den ierst dat sij voer alle dyeghene daer ’t of ghecomen is trouweliken sullen bidden. Voert dat sij eerberlic ende rekelic ende onberucht sijn ende sonder vervolch van mannen ende van kinderen. Voert soe wat hem gegeven wort off selve hebben off winnen dat mit malcan minlic te deilen ende enen ghemenen coste te houden. Voert dat sij hoer broet mit spinnen ende mit nayen ende mit anderen vrouliken werken bynnen den huse sellen winnen ende gheen broet te bid- den het en dede hem dye uterste noet. Voert dat sij gheen maeltiden totter lude huys van ghewoenten stadelic en sellen zoeken. Voert soe wat sij daer inbrengen of inghebrocht hebben van inbodel van bedden, van enigher- hande reesscap of van gelde. Wat dattet sij affter den dat sij daer een jaer inghe- woent hebben, leven sij, off sterven sij, off varen sij anders waer mitter wone, dat sel daer altemael in bliven tot dat ghemeens huys oerber ende dergheenre die daer bli- ven. Voert en sel daer nyement wonen hij en sij vrij van ordene ende van echtscap. Voert op dat sij te bet mit malcander tevrede mogen bliven, soe en sel men daer nyementvan nyes mit hem herbergen, het tensij dit dat meeste deel van den personen die daer wonen dat mede raden ende consentiren. Voert so wien dat meeste deel van den personen in den huse nutste doncket ende oerberlicste wesen tot eenre maerte, somtijt die ende somtijt die ander, naedien dat- tet ten huse oerberlixste is, die sel die dingen bewaren. Ende elc van den anderen sel sijn ses we- ken die kokone verwaren ende brenghen ’t in ’t ghemeen so wat sij hebben, sonder enich voir- deel daerof te begheren het en dede hem noet of siecte. Voert soe wie datter enich bespro- ken zelscap hielde of, also hart ende eenwil- lich waer dat den anderen dicwile onvrede daerof quaem, ende dat als men ’t eenwerf ende anderwerve gheseit hadde niet laten en woude. Ende die ghemene ghewoente mitten anderen niet en hielde. Ende den meesten deel dochte dat hi beter van daer waer. Of soe wie dat enich van al desen punten voirseit nyet houden en wou- de. Al argelist uutgheseyt dien souden wi sonder vertreck weder uut den huse setten sonder enige hope daer weder in te comen. Ende om- dat wi willen dat dit vast ende ghestade gehou- den werde, soe hebbe wi onse segelen op dese cedulen ghedruct. Gegeven in ’t jaer ons Heren M CCC XCIIII op Sunte-Gertruden. Deser cedulen sint twe alleens sprekende, die een uter ander gesneden.
89
Dit is die brieff daer onse convent ierst mede begonnen is
label
Dit is die brieff daer onse convent ierst mede begonnen is