ad preces Adulphi Coloniensis, Ottonis Monasteriensis, et Gherardi Osnaburgensis episcoporum et fratrum, Wilhelmi comitis Hollandie et Ottonis Ghelrie, qui omnes convenerunt in Traiecto pro Ottone, tunc preposito Zanctensi. Qui fuit XVIII annorum, sed clarus ingenio et aspectu venustus et egregius frater dicti comitis Ghelrie et sororius prefati comitis Hollandie. Super minoris etatis dispensatione Romanam Curiam visitare proposuit, qui apud Vorthusen febre pulsatus VII kalendas aprilis occubuit. Hic rexit episcopatum in habundancia annis tribus cum dimidio et sepultus est in ecclesia Traiectensi honore congruo. Iste iuvenis fuit in causis iudicia- libus multum discretus et in cunctis negociis reipublice valde cautus.