de Ysenburch et Theodericus, frater predicti Baldewini episcopi fuerunt in discordia electi, unus per Ottonem, comitem Ghelrie, et alter per Theodericum, comitem Hollandie. Quem Theodericum imperator Heinricus investivit per anulum et baculum pasto- ralem. Et taliter iurisdictionem temporalem Theoderico comiti Hollandie gubernandam commisit, donec sententia papali diffinitivum esset.Theodericus comes Hollandie existens in Horst collegit redditus episcopales. Sed obstante comite Ghelrie de partibus Transyselanis nihil habere potuit. Ideo comes Hollandie Veluam armipotenter incendit, et magnam predam recepit. Et comes Ghelrie usque Heymenberch sequebatur, et forte bellum inhorruit. Comes Ghelrie victus fugit. Et comes Hollandie multos captivavit. Sed predictus Arnoldus per sententiam optinuit episcopatum per papam Innocentium. Sed idem Arnoldus VIIIo idus aprilis in urbe Romana mortuus, et sepultus fuit. Et tunc idem Innocentius papa predictum Theodericum episcopum 31 consecravit, monens eum ut continuo ad commissum sibi populum rediret. Sed in reditu Papie defunctus et honorifice tumulatus est.