NL-UtHUA_A100821_000049.jpg
In ’t jaer ons heren M CCCC LXVII sterff Hertoch Philips van Borgondie, van Brabant, Zeelant ende van veel andere her- tochdomen ende groter greeffschappen, ende lyet achter sinen enighen soen Karolus al sijn lant, dye nochtant mit desen lan- den nyet en ghenoechden ende luttel rust en had, noch sinen ondersaten en lyet hebben, ende wart verslagen van den Zwitseren die hij bestriden woude in ’t jaer ons Heren M CCCC ende LXXVII .XVIII Nu hadden wi staende een out daken- huysken daer wi dyckwil grote sorge voer hadden als ’t bernde. Daer- om hebben wi dat offgebroken. Oec braken wi off dat ierste huys dat on- se moeder Ghijsbert tymmerde daervoer van stat, wantet soe cranc was dattet sorchlike was in te wesen. Van desen steen hebben wi weder ghemaect een spreechuys ende achter een siechuys. Dit gheschiede doe men screef M CCCC ende LXVI .