zuster Geertrui
huys, ende heeft een gevonden op den ouden dijck staende, daer eertijts de Lecke plach bij te loopen. Ende dat gecocht ende affgebroken sijnde, heeft het naerder de kerck doen stellen mit consent des pastoors ende buyren, ende dit was wel 70 voeten lanck. Twelck als sij hadde laten onder- scheijden met horden, in forme van cellekens, is daerin gaen wonen met de drie voorscreven susterkens. Van dewelcke de oudste was ge- naempt Dieu die sij stelde als procuraetster, ende d’ander Jan Aertsdochter van Baeck ende de derde Lijsbet van Giffen. Maer Buijs bleeff binnen Utrecht ende was dese susteren seer toe- gedaen, ende bestelde haer al dat sij van node had- den. Doch sterft corts daernae anno 1429 , alle haer goet de susteren latende. Als dan Beatrix Jacobsdochter oock hadde een geestelick habijt aenge- togen ende, tselfde siende, een dochter van Isselstein, Geertruyt Marten Breyls dochter heeft meede versocht ontfangen te worden, des sijn sij vijff sterck geweest. Waernae suster Hadwich mater van Almkerck, in groote armoede sijnde, die uyt het clooster van Onser Vrouwe tot Amsterdam daer gebrocht was; dese heeft met haer gebracht: suster Lutgard Jansdochter, suster Lijsbet Gerrit van Ganswijck dochter, Margriet Rutger van Wiels dochter, suster Heyltgen Jacobsdochter, suster Claertgen Gerritsdochter van Geertrudenberch, Beatrix Jan Borchgreven dochter van Almkerck. Ende die daer latende, is gereijst naer Utrecht, ende haestelick weder comende heeft meede gebracht een slemighe suster van Sint-Nicolas binnen Utrecht, Geertruyt. In wiens presentie sij de susteren, 12 in ’t getalle, vermaent heeft tot eendracht, ende dat haer nodich was een overste te verkiesen uyt haer diese naest Godt souden gehoorsamen, ende is soo weder nae Amsterdam tot haer oude clooster gegaen. Ende dese susteren hebben eerst versocht Beatrix tot mater, die dat weijgerde. Ende soo Dieu daernae trachtede, de ver- maninge haer oude maters vergeten hebbende, is ten lesten eendrachtelicken suster Geertruyt van Sint-Nicolas gecosen, met consente van haer mater binnen Utrecht. Waerdoor Dieu, gefrustreert sijnde, heeft het clooster verlaten ende is in de werelt gegaen, daer sij oock gestorven is. Anno 1423 heeft de mater van Sinte-Cecilien binnen Utrecht met hulpe van eenige rijcke hoeren susteren gesticht een convent binnen Utrecht. Ende omdat dees conventen waren van eender oirde als van de derde oirden Sint-Francois, soo hebben sij grotelicx ge- arbeijt om de oirde te vermeeren. Ende de mater van Sinte-Cecilien voornoemt, geweest sijnde een rijcke weduwe die wel cost regieren, heeft dit clooster, Bethlem genaemt, slechtelicken opgetimmert; hebbende, daer mater geworden ende haer oude verlaten, ver- cregen tot haer nieu clooster confirmatie een noot muscaet, veel scade doende aen coorn, bomen ende glasen, oock een glas des paters daer Sint-Augustijn in stont uytgesmeten hadde, meende hij dat Sint-Augustijn daer niet en wilde staen, omdat hij nu het convent van Sint-Augustijn bij Swol verlaten hadde, setten daerom Sint-Franciscus in de plaets. De vrunden van den pater ende Gerrit Claessen hoerende dat sij alle haer goederen den convent souden ma- ken, versochten den bisschop dat hij met de clocke wilde verbieden dat geene conventen eenige erffelicke goederen meer mochten gemaect worden, ende dat de conventen van de derde oirde geen weerlicke persoonen onder haer pro- tectie en souden nemen, op peene van gebannen te worden. Doch sij dit verstaen hebbende, vercochten haere erffelicke renten ende cochten huysen ende landen eer dit geconsenteert worde, ende maecten anno 1438 dat het convent hadde 250 mergen lants ende waren 30 susteren sterck. Anno 1436 tim- merde Gerrit Claessen den pasteur een huys 75 voeten lanck, 2 solderen hoge, etcetera. De mater 13 jaeren geweest sijnde, is affgeset omdat se te slap was, ende werde t’ Utrecht in haer clooster gesonden. Ende Claertgen Gerritsdochter meede van Almkerck gecomen noch geen 25 jaeren oudt in haer plaets gestelt, die seer wijs ende devot was; leefden seer vreedelicken met malcanderen, sulcx dat se de goude susteren genaemt werden. Daer nae eenige harde wynters een grote duerte quam, mits een oorloge dat de Oosterlingers hadden tegens de Hollantsche steeden, doen costen de conventualen een mud weijts voor 8 loot fijn
subject
zuster Geertrui
label
zuster Geertrui