Syborch, mater van het Nicolaasconvent († ca. 1405)
IIII maget. Dese tymmerde bi horen tiden een guet stenen huys, een reventer ende boven een dormpter dat nu ghebroken is. De- se vergaderde allenken meer ende meer maechden om Goede te dienen in groeter barnender mynnen. Doe men daernae screeff M CCC ende XCIX , doe namen die susteren van Sin- te-Cecilien dye derde oerde van penitencien Sint-Francisci ende worden mede besloten. Ende daernaest, op den selven dach/, namen dye susteren ten Elfdusent Mageden ende onse susteren dyeselve oerde oec aen. Ende men plach ons altesamen te cleden ende te professyen tot Sinte-Cecilien nochtant een yegelic op sijn eygen convent. Ende als ons dus Ghijsbert moder geregiert omtrent vii jaer, soe starff sij/ zalichliken in den Heer, doe men screef M CCCC ende III op Sunte-Bar- nabasavent. Daernae koren onse susteren die een moeder/ na den anderen, tot tween toe. Die eerste hiete Syborch ende wert ofgeset ende die ander Ghijsbert ende die sterff.nae koren onse zusteren die een moe- der nae den anderen, tot tween toe. Die eerste heet Syborch ende wort off- gheset ende ander Ghijsbert ende die sterff. Dese twee moeders regierde omtrent vier jaer ende worden offgeset omdattet convent gheen groten voert- ganck en had, al waren sij anders doechdeliken ende devoet. Doe saghen sij om een ander mynistra ende moeder ende koren uutten voerseiden convent van Den Elf- dusent Meechden, daer Ghijsbert moeder oeck uut was als voerseit staet, een gheheten Nanna Johansdochter van Ackoyen, welcker, als was sij jonck van jaren, sij was rijp van seden, vuerich tot Goede ende scerp voer disciplijn. Dit gheschiede in ’t jaer ons Heren doe men screef M CCCC ende VII . Ende doe sij ontfanghen had dat rege- ment, soe gaff hoer God grote gra- cie in tijtliken ende in gheesteliken voertganck ende in vermeringe der
subject
Syborch, mater van het Nicolaasconvent († ca. 1405)
label
Syborch, mater van het Nicolaasconvent († ca. 1405)