Margriet Bouwen
liken ontfenc, ende offerde Gode den Vader horen gheest in sine handen die sij vrijen- liken ontfenc. Ende is ’t dat sij yet te purgiren had, ’t en duerde niet lang, als seyde dye ’t wel wist. Si sterff onlanc nae her Johan als lii dagen nae hem, des xvii dages in april, doe sij out was lxx jaer. Ende is eerliken begaen in Sinterclaeskerc ende begraven in onser capellen bij her Johan. Nae hoere doet sin die susteren in groter ellendicheit, want si sitten sonder vader ende moeder. Her Eernst, zaliger ghedachten, Generael Minister, comet sijn kinder te troes- ten ende sij kyesen eendrachteliken een gue- de devoten maget/, ghenoemt Griete Bouwen, voer den selven minister ende dye confirmierde hij moeder te wesen. Mer noch en sijn die sus- teren niet al getroest, want si noch gheven zekeren man en hebben te biechten, want nu biechten sij den enen, nu den anderen. Dit aenmerkende, Jacop Albertssoen, die altoes trou had geweset den susteren, dat dit nyet lang en soud staen-XIIII de bliven, hevet gereyst, ierst totten Generael ende naemels eenwerff ende anderwerff bij behulpe her Reyner, pater der susteren tot Sinte-Margareten, ende her Aernt ten Brync te Vollenhoe, tot her Thomas, minister der bruderen aldaer, om enen gueden pries- ter te vercrijgen. Her Thomas, kennen- de dat convent van den susteren, want hij ’t dicwijl gevisitiert had, hevet hem goe- dertyren ghemaect. Mer men moeste ’t ver- trecken een tijt om zekere zaken. Ende doe ’t tijt was toech Jacop voergenoemt mit her Aernt voergeseyt over IJssel om te bidden dat convent der bruederen. Wel- ke convent hem guedertyren maect ende schicken hem toe enen priester geheiten her Gherijt van Rees. Ende her Thomas co- met mede ende leyden hem in ende maken hem bychtvader der susteren. In ’t jaer ons Heren M CCCC ende LIII , op der Elffdusent- Magedendach. Die moder Griete nye gecoren doe ’t al ’t beste dat sij mach in allen dingen,Griete Bouwen, voer den selven minis- ter ende die confirmierde hij moeder te wesen. Dese moeder regierde omtrent anderhalf jaer ende wort offgeset omdat convent gheen grote voert- ganck en had, al was sij anders doech- delick ende devoet. Tot deser tijt toe en hebben wij noch niet dat wij onse susteren bi ons selven in onse cappelle mogen laten begraven. Mer al onse susteren die zieck worden, dien gaff onse biecht- vader dat heilighe sacrament. Ende een van den cureyten plach te comen ende olyde dieselve suster. Ende sterff sij, soe moest men se draghen in die kerck Sunterclaes ende begaen se daer ende be- graven se daer mede op dat kerchoff, dat druckeliken te sien was. Daerom, bider hulpe van Gode ende bij vrienden rade, lieten wij de dinghen mit onser cureyten als meyster Aernt Elyaes- soen ende her Jan Foyt. Welcke die hem goedertieren ghemaect hebben ende
subject
Margriet Bouwen
label
Margriet Bouwen