Liesbeth van Giffen
huys, ende heeft een gevonden op den ouden dijck staende, daer eertijts de Lecke plach bij te loopen. Ende dat gecocht ende affgebroken sijnde, heeft het naerder de kerck doen stellen mit consent des pastoors ende buyren, ende dit was wel 70 voeten lanck. Twelck als sij hadde laten onder- scheijden met horden, in forme van cellekens, is daerin gaen wonen met de drie voorscreven susterkens. Van dewelcke de oudste was ge- naempt Dieu die sij stelde als procuraetster, ende d’ander Jan Aertsdochter van Baeck ende de derde Lijsbet van Giffen. Maer Buijs bleeff binnen Utrecht ende was dese susteren seer toe- gedaen, ende bestelde haer al dat sij van node had- den. Doch sterft corts daernae anno 1429 , alle haer goet de susteren latende. Als dan Beatrix Jacobsdochter oock hadde een geestelick habijt aenge- togen ende, tselfde siende, een dochter van Isselstein, Geertruyt Marten Breyls dochter heeft meede versocht ontfangen te worden, des sijn sij vijff sterck geweest. Waernae suster Hadwich mater van Almkerck, in groote armoede sijnde, die uyt het clooster van Onser Vrouwe tot Amsterdam daer gebrocht was; dese heeft met haer gebracht: suster Lutgard Jansdochter, suster Lijsbet Gerrit van Ganswijck dochter, Margriet Rutger van Wiels dochter, suster Heyltgen Jacobsdochter, suster Claertgen Gerritsdochter van Geertrudenberch, Beatrix Jan Borchgreven dochter van Almkerck. Ende die daer latende, is gereijst naer Utrecht, ende haestelick weder comende heeft meede gebracht een slemighe suster van Sint-Nicolas Diepholt sulcx geweijgert te hebben an sijne dochter etcetera, waer- door hem groot verdriet quam. Want soo tselve op der straten quam ende ten archsten verbreijt worde. Den bischop dat vernemende, beval Gerrit van Randen, vicaris generalis, ende heer Willem van Heuclum, abt Sint-Pauwels, dat sij de visitateurs wel geinformeert wat sij doen souden in ’t Geyn sonden. Die den pater in veel saecken hebben beschuldicht: als van sijne hoveerdige timmeraigien, van Jan van Burens wijff onthouden te hebben ende de partije tegens den bischop onthaelt ende diergelijcke, tot 60 articulen, soo dat de pater heijmelick is geweecken ende werde verlaten van sijnen dienst etcetera, in sijn plaetse comende heer Jan van der Lip, 2 pater. Maer alsoo de mater heer Harman wilde voorstaen ende sijn beschuldinge niet ondertey- kenen, wert haer opgeleijt dat se geen goede conversatie met den pater hadde gedragen, ende werde soo nae elff jaeren affgeset, in weerwil des convents, ende ten lesten versonden. Ende daer wert Elisabet Aelberts anno 1449 gecon- fermeert, die nae een jaer resigneerde, seer weeckelick sijnde. Ende anno 1450 wert suster Elisabeth van Giffen van Almkerck mater. Anno sequenti sterft de pater heer Jan van der Lip ende Hendrick van Dry quam in sijn plaets. Anno 1454 sterft mater Elisabet ende doen werdt gecoren Mechtelt Hendrick van Cleeff dochter.
subject
Liesbeth van Giffen
label
Liesbeth van Giffen